MKUTANO WA UZINDUZI WA TAARIFA YA UTENDAJI WA MAMLAKA ZA MAJI NA USAFI WA MAZINGIRA

  

Katibu Mkuu wizara ya Maji Mhandisi Anthony sanga amezindua miongozo mitatu inayolenga kuwezesha na kurahisisha utendaji kazi katika mamlaka za maji nchini. Miongozo hiyo ni muongozo wa kuandaa mkakati wa kupunguza upotevu wa maji , muongozo wa usimamizi wa Dira za maji na muongozo wa uendeshaji wa mamlaka za maji.

Katika hafla hiyo fupi iliyoandaliwa na mamlaka ya udhibiti wa  huduma za Nishati na maji (EWURA) jijini Dar es salaam.

 Mhandisi Sanga amesisitiza utendaji kazi mzuri ili kuhakikisha adhma ya Rais wa jamuhuri ya muungano wa Tanzania mhe. Samia Suluhu Hassan ya kumtua mama ndoo yam aji kichwani inatimia.

Amesema Rais ameonyesha nia ya dhati ya kutatua changamoto za upatikanaji wa huduma ya maji kwa watanzania hivyo watumishi wa wizara wana jukumu la kuhakikisha wanatekeleza majukumu yao.

Aidha katika hafla hiyo mhandisi sanga amekabidhi zawadi za vyeti na ngao kwa mamlaka za maji ambazo zimefanya vizuri katika utekelezaji wa majukumu yao katika maeneo tofauti tofauti.

Vilevile amewapongeza EWURA kwa kuweka utaratibu wa kutoa zawadi mamlaka za maji ambazo zimefanya kazi nzuri katika utekelezaji wa majukumu yao.